Қызылорда қаласындағы жоғары оқу орындары студенттерінің көру жүйесіндегі ортақ денсаулық мәселелері

Аңдатпа

Көру жүйесінің жағдайы адам денсаулығының бір бөлігі болып табылады. Жоғары оқу орнындағы білім беру процесінің маңызды тұстарының бірі - сапалы білім берумен қатар білім алушылардың денсаулығын сақтау болып табылады. Студенттердің көру жүйесі жағдайының тиімділік көрсеткіштері бұл жүйеге қойылған міндеттерді орындау дәрежесін сипаттайды және ол көру жүйесінің оңтайлы жұмыс істеуінің жалпылама көрсеткіштері болып табылады. Жалпы, визуалды жүйенің ақпаратты өңдеу ресурсы ретіндегі ғылыми зерттеулер визуалды анализаторды зерттеу ісіне ұқсас дамиды. "Студенттік денсаулық" дегеніміз - объективті көрсеткіштер және әл-ауқат, әлеуметтік жағдай және жоғары жұмыс қабілеттілігімен сипатталатын күрделі мәселе мен үйлесімділіктің субъективті күйі. Зерттеу сауалнама әдісі арқылы жүргізілді, ол Қызылорда қаласындағы студенттер арасында жалпы көз ауруларының таралуы және алынған білімді бағалауға бағытталған. Мақалада көз гигиенасы және көздің негізгі аурулары бойынша сауалнаманың нәтижелері келтірілген. Студенттердің хабардарлығы мен көз денсаулығының пайызы анықталды. Айқын көрсеткіштер бойынша студенттер арасындағы нашар көру мәселелерін шешу бойынша қорытындылар мен ұсыныстар берілді. Бүгінгі таңда көру анализаторын, көздің ауруын және алдын-алу шараларын қолдану туралы білім деңгейін арттырудың бір әдісі - денсаулық туралы ақпараттандыру бағдарламаларын алға жылжыту, адамның сенсорлық жүйелерінің физиологиясы бойынша адам физиологиясы пәніне элективті курс әзірлеу.