Батыс Қазақстан облысының табиғи биоценоздарында кейбір паразиттік жәндіктер мен гельминттердің таралуы
Қаралымдар: 0 / PDF жүктеулері: 0
DOI:
https://doi.org/10.32523/2616-7034-2026-154-1-160-176Кілт сөздер:
Батыс Қазақстан облысы, паразиттік аурулар, қан соратын масалар, иксод кенелері, гельминтофауна, мониторинг, биоценоздарАңдатпа
Мақалада Батыс Қазақстан облысының паразиттік аурулар бойынша эпидемиялық және эпизоотиялық салауаттылығын зерттеу нәтижелері келтірілген. Жұмысты орындау барысында биологиялық және паразитологиялық зерттеулер жүргізілді. Зерттелетін аймақтың бірқатар аудандарында кенелердің, масалардың және кейбір гельминтоздардың таралуы бойынша эпизоотиялық жағдай туралы деректер алынды. Қан соратын масалардың 6 түрі және иксод кенелерінің 6 түрі, трематодоздардың 3 түрі: описторхоз, фасциолез және дикроцелиоз және 1 цестодоз: эхинококкоз эпидемиологиялық маңызы болғандықтан зерттелді, олардың таралу аймақтары, сондай-ақ жануарлардың кенелермен жұқтыру көрсеткіштері және анықталған гельминттермен жазда және күзде инвазиялану деңгейі зерттелді. Сондай-ақ, зерттелетін аймақ тұрғындарының эхинококкоз және описторхозбен жұқтыру дәрежесі қарастырылды. Жұмыс жұқпалы паразиттік аурулар бойынша эпидемиялық және эпизоотиялық салауаттылықты ғылыми қамтамасыз етуге, паразиттік ауруларды модельдеу және болжау үшін мәліметтер базасын әзірлеуге және енгізуге бағытталған. Батыс Қазақстан облысының табиғи биоценоздарындағы паразиттік жәндіктер мен гельминттердің динамикасын зерттеу жергілікті экожүйелердің тұрақтылығын түсінуге және олардың айналымының негізгі факторларын анықтауға мүмкіндік береді, бұл паразиттердің үй жануарлары мен адамдарға берілуін болдырмауға көмектеседі. Жүргізілген зерттеулер Батыс Қазақстан облысының табиғи биоценоздарындағы паразиттік организмдердің алуан түрлілігін растады.
