Грек жаңғағы қабығының антиоксиданттық қасиеттерін зерттеу
Қаралымдар: 195 / PDF жүктеулері: 270
Кілт сөздер:
зерттеу, грек жаңғағы қабығы, флавоноидтар, сығынды, қоспалар, фенол қышқылдарыАңдатпа
Зерттеулердің негізгі мақсаты – грек жаңғағының қабығының құрамын зерттеу.
Грек жаңғағының дәндері тамақ өнеркәсібінде кеңінен қолданылады, бірақ сонымен бірге ядроларды тазарту сатысында алынған қабық, әдетте, жану арқылы жойылады. Грек жаңғағы жемістерін өңдеудің көп тонналық көлемін ескере отырып, өндіріс қалдықтарының шығуы да маңызды. Тіпті бір тонна грек жаңғағын өңдеген кезде де пайдаланылмайтын өнім-салмағы 550 кг-нан асатын қабық қалады, ол шығару мен кәдеге жаратуды, яғни қосымша шығындарды талап етеді, мұндай өндірісті ұйымдастыру мүмкін болған кезде қабық құнды биологиялық белсенді заттарды бөлуге шоғырланады және өңделеді, соның негізінде әртүрлі емдік-профилактикалық әсері бар жаңа отандық препараттарды әзірлеуге болады.
Мақалада грек жаңғағы қабығындағы минералды құрамды, аминқышқылдары мен биофлавоноидтарды зерттеу нәтижелері келтірілген.
Зерттеу негізіне шикізат ретінде Грек жаңғағы бойынша Қазақстандық селекцияның үш сорты алынды. Жүргізілген талдау нәтижелері бойынша одан әрі оны жетіспейтін қоректік компоненттермен байыта отырып, алкогольсіз сусынға тағамдық қоспа ретінде пайдаланылатын сығынды алу технологиясын әзірлеу жоспарлануда.
