Өкпенің қатерлі ісігін диагностикалаудағы экзосомалар мен экзосомалық микроРНҚ рөлі

Аңдатпа

Экзосомалар - бұл жасушадан жасушаға ақпарат тасымалдаушысы ретінде қызмет ете алатын, жасушааралық байланыста плеотропты функцияларды қамтамасыз ететін жасушалардың барлық дерлік түрлері шығаратын жасушадан тыс везикулалар. Экзосомалар қабылдаушы жасушаларға әртүрлі биомолекулаларды, соның ішінде ақуыздар мен нуклеин қышқылдарын тасымалдай алады. Әдеби шолуда экзосомалардың рөлі және өкпе қатерлі ісігін диагностикалауда биомаркер ретінде экзосомалық микроРНҚ қолдану мүмкіндігі туралы заманауи мәліметтер қарастырылған. МикроРНҚ онкогендер немесе ісік супрессорлары ретінде әрекет ете алады, сондықтан олар онкогенезде маңызды рөл атқаратын гендердің экспрессиясын реттей алады. Қазіргі уақытта экзосомалық микроРНҚ қатерлі ісік диагнозын қою үшін сұйық биопсияның молекулалық маркерлерінің рөліне негізгі кандидаттардың бірі болып табылады. Әдеби шолу экзосомалық микроРНҚ-ны өкпе қатерлі ісігінің биомаркері ретінде қолдануға баса назар аудара отырып, канцерогенезде экзосомаларды қолданудың диагностикалық әлеуеті талданды.